As entidades que soliciten a conexión ó Punto Neutro
Galego deberán cumpli-las seguintes condicións técnicas
e administrativas:
1.- Dispoñer dunha conexión a Internet independente
do Punto Neutro.
2.- Figurar rexistrados nalgún Rexistro Rexional de Internet
(IRR) da IANA, estando ócorrente do pago das cuotas correspondentes.
3.- Dispoñer de número oficial de Sistema Autónomo.
4.- Establecer acordos de intercambio de tráfico coa totalidade
dos membros do Punto Neutro.
5.- Nominar responsables técnico e administrativo e dalos
a coñecer ó resto das entidades participantes no Punto
Neutro.
6.- Rexistrar con antelación a súa implantación
no IRR da IANA calquer ruta e sistema autónomo a anunciar
mediante o Punto Neutro, de acordo cos procedementos de IRR.
7.- Non se xenerarán transicións de enrutamento (Routing
flaps) innecesarios nin anuncios de rutas específicas que
non sexan estrictamente necesarias.
8.- Establecer filtros oportunos de enrutamento para asegurar que
únicamente anuncia as rutas e sistemas autónomos por
él conectados, de acordo coa información rexistrada
de IRR.
9.- O medio de acceso de cada entidade estará operativo 24x365,
descontando avarías e forza de causa maior.
10.- O protocolo de enrutamento entre entidades será o BGP-4,
optimizando ao máximo as capacidades de agregación
permitidas por CIDR.
11.- Non se poderán realizar accións ilegais ou que
vaian en detrimento do uso do Punto Neutro Galego por parte doutros
do resto das entidades.
12.- Aquelas entidades que experimenten un estado de conxestión
das súas liñas de acceso ao Punto Neutro Galego, por
exceso de tráfico deberán amplia-lo ancho de banda
nun prazo máximo de 90 días.
